З 19 па 23 верасня 2022 года вучні і настаўнікі нашай школы прынялі актыўны ўдзел у Тыдні роднай мовы “Як дорага мне, мая родная мова!”.
У рамках Тыдня праведзены наступныя мерапрыемствы:
- Акцыя “Гаворым па-беларуску”
- Інтэрактыўная гульня “Знаўцы роднай мовы
- Гульня “Зайграем у “Жалейку”
- Квэст-гульня “Фальклор, фальклор – душа народа
- Дыстанцыйная акцыя “Чытаем вершы пра родную мову”
- Прэзентацыя віншавальных паштовак “Пажаданні роднай мове”
- Конкурс пісьмовых творчых работ “За што я люблю родную зямлю”
- Стварэнне інтэрактыўнага воблака слоў “Маё любімае слова па-беларуску”.
Справаздача аб праведзеных мерапремствах.
Вучні X класаў разам з настаўнікамі беларускай мовы і літаратуры і класнымі кіраўнікамі наведалі музей Беларускага Палесся (тэма экскурсіі “Аб родным краі роднай мовай”). Вучні IV класаў разам з класнымі кіраўнікамі сталі ўдзельнікамі мерапрыемства (вусны часопіс “Жыву ў Беларусі і тым ганаруся!”), які арганізавалі для іх супрацоўнікі гарадской бібліятэкі-філіяла № 5.
Для вучняўVII, VIII, IX класаў былі арганізаваны сустрэчы з паэтамі роднага краю: Аленай Вабішчэвіч, Святланай Шаламіцкай, Галінай Лазіцкай.
У школьнай бібліятэцы для вучняў школы падрыхтаваны выставы: “Беларуская кніжная хваля”, “Прайсці праз вернасць”(да 110-годдзя М. Танка), “Вытокі роднай мовы”, “Зямлі вялікай галасы” (да 140-годдзя Якуба Коласа и Янкі Купалы).
Усе мерапрыемствы накіраваны на развіццё цікавасці вучняў да роднай мовы і літаратуры, да яе культуры і гісторыі.