20 лістапада 2013 года наша школа сабрала усіх аматараў паэтычнага слова на свята, прысвечанае 65-годдзю нашай зямлячкі, Яўгеніі Янішчыц. Святочная праграма ўключала ў сябе дэкламацыю вершаў, суправаджаемых прэзентацыяй, відэаролікамі, выкананне беларускіх песень, танцаў. Душэўная пяшчота вядучых, імпрэсія танцоркі, майстэрства чытальнікаў шчырай і гарачай лірыкі Яўгеніі Янішчыц выклікала шчодрыя воплескі гасцей свята, вучняў і настаўнікаў беларускай мовы і літаратуры горада Пінска. Праграму падрыхтавалі настаўнікі беларускай мовы і літаратуры нашай школы сумесна з вучнямі 5-11 класаў.